南華亞協盃打唔響頭炮，擁南躉固然失望，原來佢哋對於對手印尼佩西普拉職員（圖）嘅行為就更火滾。話說前晚開波前，佩西普拉個職員行經擁南躉聚集嘅看台，受唔住球迷嘅噓聲，竟然「出中指」回應。有南華球迷當時亦有「回禮」，但始終係先「出手」嘅唔啱。有球迷將張相post上網，話等其他球迷知道有啲咁冇品嘅人，順便等亞協盃監場知道件事喎。