孫耀威早前舉行歌迷聚會，到室內wargame場與一班歌迷槍戰，Eric表示試過跟粉絲BBQ、打羽毛球和唱卡拉OK，今次決定搞搞新意思，他日前說：「我都有研究o架，唔算超級迷，但屋企都收藏咗10幾支槍o架。」
曾玩槍受傷
Eric謂在台灣有不少槍迷朋友，瘋狂改槍之餘，還試過製造玻璃BB彈，都試過玩到受傷流血，他說：「佢哋真係玩得好癲，喺台灣同朋友玩過，玩到受傷流血，個傷口好似水痘咁，我仲有keep住啲玻璃BB彈，香港就唔可以玩改（裝）槍。」
為何不約同女友陳美詩（Macy）一齊玩，Eric笑言：「佢未見過我咁暴力喎，驚佢見到我咁樣同我分手，不過佢都知我鍾意玩槍嘅。」
採訪：胡比 攝影：黃文成