今年模界多喜事，繼今年9月11日結婚的AmandaStrang、周汶錡後，諸葛梓岐（Marie)前晚在銅鑼灣行騷時，終承認12月和Neway男友薛嘉麟結婚。未正式入門，以往提到陳法拉都寸爆的Marie，今次乖乖收口，不敢惹火頭。
諸葛梓岐和Neway細少薛嘉麟拍拖多年，今年終傳出婚訊，Marie前晚在時代廣場為品牌iBlues行騷，終承認今年12月結婚，她說：「仲做緊嘢，11月先做完，家有共識，乜都聽晒佢安排喇，等佢搞啦。」Marie笑言自己嫁雞隨雞，結婚地點、儀式各樣都由未婚夫決定。
美國浪漫求婚
之前有指因薛母思想傳統，不接受明星新抱，問到未來奶奶可鍾意Marie？她說：「相處都好開心，一齊食飯傾偈囉。」問到奶奶可是喜歡她多過法拉，以往不時寸爆陳法拉的Marie，前晚就乖乖收口說：「唔回應！」其後接連多個問題都說不回應，至於會否請法拉做姊妹，她說：「都要睇安排啦，家係3月頭，唔諗咁多住。」
問到男友薛嘉麟如何求婚，Marie初時支吾以對，後來才說：「係好浪漫、好開心嘅，上次喺美國玩時求婚。」問她可有順道註冊？她好大反應說：「冇，一定會通知大家，我好誠實o架！」暗寸在美國秘密註冊又不認已婚的陳法拉。
新聞之花結婚
此外，名人婚期陸續有來，34歲的已故鋼鐵大王龐鼎元孫女、本地飲食指南《WOM》創辦人龐心怡，早前登記註冊，將和比她年輕兩歲、財經界男友劉名揚結婚。09年接黃婉曼主持天氣報告、現年25歲、TVB新「新聞之花」鄭萃雯，也準備和攝影記者男友潘國輝拉埋天窗。
採訪：JessicaNgan
攝影：ChanChiLam
