【本報訊】不止海鮮含鎘，內地稻米也含鎘。城大生化系副教授張潤興指出，早前有調查指內地一成稻米鎘含量超標。
問題稻米樣本及本港海鮮供應多數來自南中國，擔心同遭工業廢料所污染，「自己食番丟咗嘅嘢」。
張潤興解釋，鎘主要用於製造電池，「將鎘做成粉塞落電池入面，啲粉未必用得晒，可能就咁丟咗算數。」鎘被雨水冲進河流，或透過塵埃蔓延。
採礦掘土也是源頭
張潤興又舉例稱，第二次大戰期間，日本宮川河受礦場污染，大量鎘沿河水滲入周邊土壤，被稻田吸入，導致該區居民大規模鎘中毒，早前亦有深圳大型工廠工人鎘中毒，「香港人好少食內地稻米，但係不停食南中國海鮮，香港會唔會發生類似日本嘅情況呢？」
港大海洋和淡水生物學副教授梁美儀稱，除了人為破壞，其他多種因素都能讓貝殼體內鎘含量超標，「人類採礦同挖掘土壤係會令鎘進入海洋，不過環境因素好似海底土壤、水流等都會有影響，好似冰島嘅貝殼類，雖然接近零污染，但重金屬就比預期高，原來係受到附近海底火山影響。」