正所謂「長江後浪推前浪」，人稱「賺錢之神」嘅對冲基金經理約翰保爾森，近年賺錢能力的確好驚人。據報單係舊年，個人就賺咗50億美金（390億港紙）。不過，如果唔係有研究機構幫佢計數，都唔知佢原來犀利得咁交關。
相差11年 僅距大鱷8%
英國《金融時報》日前引述研究機構LCHInvestments資料，話保爾森喺94年創辦對冲基金以來，已經幫客戶賺咗322億美元，即係17年來賺咗2511億港銀。比索羅斯呢位大鱷前輩，過去38年幫客戶賺嘅350億美金，只係差8%咁大把。
但唔好忘記，保爾森現年只係56歲，未來應該仲有大把世界，睇佢個勢好有可能超越索羅斯，成為投資界另一位傳奇人物。