舊年內地A股排名全球尾三，基金難有突出表現，基金規模大縮水。不過，股市唔掂唔代表基金經理花紅無着落，內地《資訊時報》報道，基金經理年終花紅一啲都無跟隨股市縮水，其中基金界前五名猛人，年終花紅都超過千萬人仔。業績墊底嘅基金經理都起碼攞兩球人仔，一般打工仔唔恨得咁多！
探花王亞偉亦有份
至於邊個攞過千萬花紅？內地基金界人士估，千萬花紅主人翁非「最牛基金經理」孫建波莫屬，佢管理嘅華商盛世成長基金，舊年以37.77%淨值增長成為全國第一。
至於另一位主人翁，應該係基金界09年「一哥」、華夏基金經理王亞偉，雖然舊年基金業績排名跌落第三，但相信亦可袋硬千萬花紅。