美國股神畢菲特接班人選又有新消息，據美國傳媒摷到，原來巴郡喺新近呈交畀美國證監會嘅文件中，披露管理層已揀咗4位人選做接班人，比之前多一個。雖然一如過往冇開名，但外界估計，今次俾股神睇中嘅幸運兒，好可能係巴郡旗下鐵路公司BurlingtonNorthernSantaFe行政總裁羅斯（MattRose）。
管Burlington受賞識
點解咁估，事關畢菲特喺佢封致股東信裏面，對收購Burlington呢單刁好滿意，話帶來嘅好處超乎預期，對公司盈利有好大幫助。羅斯作為該業務舵手，傳媒自然睇好佢有實力爭做接班人。
不過，股神喺今年封股東信中，對巴郡其他子公司班星級行政總裁團隊表現，亦相當滿意，所以家仍然好難估邊個會跑出。除咗羅斯，其他熱門人選包括NetJets行政總裁索科爾、MidAmericanEnergy行政總裁埃布爾，以及巴郡旗下再保險部門行政總裁AjitJain。正所謂多個香爐多隻鬼，唔知各候選「佳麗」對多咗人爭有咩感覺呢？