天氣女神黃婉曼噚日被本報獨家踢爆新戀情，影到佢大前日同貌似林峯嘅新男友F君，去咗太古城睇恐怖片。對於呢段剛萌芽嘅愛情，女神喺受訪時表現得好避忌，死都唔肯講男友嘅來歷同出身，只話佢係打工仔一名。不過，馮仁昭就聽聞，呢位F君雖然唔係乜嘢富二代，但都唔算差，佢喺中環一間著名會計師行做會計師，前途無限o架。