意甲間唔中就有球隊出現古靈精怪戰果，巴勒莫、烏甸尼斯都係表表者，前日兩隊喺西西里對陣（圖），結果爆出烏甸作客贏7:0嘅大冷門（「客其他」波膽80倍），係「儍豹」歷來主場最大敗仗。不嬲鍾意鬧人嘅班主森柏連尼今次相對平心靜氣，淨係話手頭上有3個繼任教練人選，即係同炒羅斯冇乜分別。佢24年接近炒咗30個教練，會唔會係世界紀錄？