著名填詞人鄭國江入行40年，佢將於4月8至10日喺灣仔伊利沙伯體育館舉行「鄭國江40周年名曲．巨星演唱會」，仲請咗葉麗儀、葉振棠、區瑞強、曾路德等做嘉賓。鄭老師噚日就同區瑞強、填詞人潘源良、向雪懷等喺銅鑼灣出席演唱會宣傳活動，鄭老師仲話開騷時會演繹《願你待我真的好》同《戲班小子》等較膾炙人口嘅歌。