陳寶珠、胡楓及薛家燕等前晚到尖沙嘴文化中心出席「修復珍藏─《彩色青春》」記招，1966年上映的《彩》片由寶珠姐夥拍蕭芳芳合演，當年電影一出即成票房冠軍。
寶珠姐說《彩》片經修復後有很多劇情都消失了：「有一場係大型歌舞場面都冇咗，當年演嗰陣都好辛苦，要練足兩日先拍到。」胡楓亦透露當年電影票房首輪有70多萬，第二輪也有40多萬：「嗰時每張飛7毫子，貴飛就1.2元，好多人一睇再睇，因為寶珠同芳芳都好受歡迎。」
家燕姐飛車
此外，家燕姐當年拍攝時只得15、16歲，她說拍攝時要兼顧上學，並說：「我嗰時仲有拍揸電單車嘅飛車戲，跌到損晒。」
採訪、攝影：張俊銘