前晚11點係觀音借庫嘅時辰，梁嘉琪同DJ阿Bob喺西貢為無綫節目《詭異檔案》拍攝外景，嘉琪本身都係拜開觀音，不過佢就冇順便借埋一份，唔係因為佢清高嫌錢腥，而係佢怕煩唔想還神喎。嘉琪話好驚年尾唔記得還神，因為知道有借有還呢個道理，佢話怕借咗唔記得還，會有反效果，所以都係留番第時遇到非借不可嘅情況至會借庫。