前日至傳出葡萄牙球星基斯坦奴朗拿度（C朗、圖），喺情人節求婚成功，好多球迷都未嚟得切恭喜佢嘅時候，就傳出原來未來阿嫂艾琳娜有咗身孕，仲有少少見肚㖭。C朗嘅代表拒絕回應有關報道，更令人相信消息可能係堅，咁就真係喜上加喜。據講C朗同艾琳娜會喺今年夏天拉埋天窗，C朗媽媽就好傳統，有傳佢係都要個仔返馬德拉島舉行婚禮，C朗唔會逆阿媽意啩？