巴勒莫日前被烏甸尼斯大炒，教練羅斯預咗冇得留低，結果由哥斯美（圖）頂替，領軍至季尾。哥斯美喺意甲執教過多支球隊，而最近利比亞動亂中以戰機轟炸平民嘅狂人卡達菲，其兒子艾沙阿迪卡達菲亦曾經係哥斯美教佩魯賈時嘅球員，但哥斯美當時因艾沙阿迪卡達菲唔夠班，而拒絕起用佢，所以呢位教頭都算係唔怕強權。