【本報訊】「老細話攞唔到水返舖頭，今日冇糧出！」一間熟食店女職員羅姑娘說。受黃泥涌道爆水管影響，羅姑娘昨奉東主命到街頭輪水，但水車遲遲不來，急得她要向一間相熟燒臘店「借」水交差。輪候食水期間，有食肆職員見水車到場，為求第一時間取得食水，爭先恐後，情況狼狽。
街頭廚師賽跑撲水
在灣仔菲林明道路邊一個大水箱旁，最高峯時人龍頗長，他們拿着多個大膠桶及鐵桶，配備手拖車輪候水車到場。其中排頭位的羅姑娘說，她今次的任務是要撲兩樣「水」，即薪水及食水，「老細叫我嚟輪水，佢就番咗去（屋企）瞓覺，佢話如果輪唔到水就閂門，咁我今日嘅人工就冇喇！」。她下午3時便到菲林明道的水箱旁，等候水務署水車到場取水。
羅姑娘等候數小時至傍晚6時許，仍未見水車，幸好附近一間仍有食水供應的燒臘店東主，好心讓她取了兩桶水交差，令她成功完成「撲水」任務，臉露笑容離去。
停水期間，銅鑼灣一帶有酒樓經理及部長為求盡快取得食水回酒樓，拿着水桶飛奔到水車旁，各處街頭都可見類似的「廚師大賽跑」，有人跑至水桶脫手而出，情況好不狼狽。有街坊說，曾致電水務署查詢水車去向，所獲的「標準答案」都是水車正在途中，很多輪候數小時的街坊最終一肚子氣，帶着空水桶離去。
天樂里近灣仔道路邊有一個約一呎乘一呎的水掣位，疑手掣失修損毀噴出一條呎餘高水柱，一名茶餐廳職員見狀如獲至寶，見不用排長龍，第一時間取出水喉插入水柱位置取水。其他人見狀，唔執輸取出水桶輪埋一份。
時代廣場對開有人龍輪水，有職員表示連鎖式食肆可由分店運載食水到來，但「個體戶」食肆則「唔好彩」要輪水。