自從俄羅斯能源同資源企業En+集團分拆咗俄鋁(486)嚟香港上市,香港人對俄羅斯都熟悉咗唔少,但係始終唔係俄羅斯人,好難了解到俄鋁行政總裁,即係En+董事會主席歐柏嘉(圖)喺俄羅斯有幾巴閉。
直至上次En+公關帶華華去俄羅斯,飛機喺位於西伯利亞嘅克拉斯諾亞降落,華華一落機,先feel到咩叫巴閉!佢哋公司架van仔竟然可以直鏟入停機坪,停喺華華所坐嘅飛機隔籬,華華等人一落機就直接俾van仔接走,都咪話唔巴閉!
做咩要搵架van仔嚟停機坪接人?
原來歐柏嘉一早就喺機場貴賓室度等,Surprise!多一個訪問!
做完訪問,華華連人帶行李,海關都唔使過,拍下patpat就可以離開機場,真係犀利!