講到元朗，只會即時想起老婆餅或B仔凉粉，想拍拖食餐好的餐廳不多。最近就有五星級大廚進駐該區開設高級西餐廳，用料酒店級，但價錢卻平約三成，一個Kingsize海鮮凍盤不用六百元，足夠四人份量，確實抵食夾大件。
記者：林佩婷
攝影：梁細權
Model：Sansu
罕有香檳奉客
「Boston1Seafood&Grill」負責人Calvin和大廚Gilbert都出身於朗廷酒店的「美岸海鮮廳」，Calvin入行約廿年，本身在元朗住了十多年，他說：「元朗人其實很捨得吃，只是可選擇的餐廳不多。」捨得吃，即時捨得花錢，計較過認為可行後，就決定和Gilbert合作開餐廳，店舖裝修格調高雅，粉紫色餐椅配黑色木枱，有落地玻璃配水晶串簾看到街景，絕非一般地踎食肆可比。
除裝修靚、店面服務好、有酒店級大廚坐鎮外，此店用料和煮法也達星級水準，但價錢平均比酒店平約三成，最吸引眼球的就是Kingsize海鮮凍盤，一盤上桌，內裏有波士頓龍蝦半隻、法國睡蟹一隻、時令生蠔和蜆各六隻、法國玫瑰蝦八隻、青口和翡翠螺各六隻，份量十足肯定夠四人享用。新鮮不在講，打開蟹蓋，蟹膏多到嘩一聲，鮮甜蝦肉最令人驚喜，迷你玫瑰蝦連殼都可以吃下肚子。嗜吃海鮮的你，記得走往吧枱，吧枱每天都會放置四至五款當造生蠔，讓客人選擇，由於Cavlin有朋友做餐酒代理，故可以入到香港較少見的酒類，如ChapuyBlancdeBlancsGrandCru香檳，味道較Dry，香港很少有代理入口，用來襯生蠔至夾，可平衡生蠔海水味，另一款BaronsdeRothschild香檳，暫時只有少許五星級酒店有售，味道複雜而有豐富果味，配熱食的海鮮一流。
炒乾龍蝦頭做濃湯
頭盤推介，有北海道帶子及三文魚薄切配三文魚子，別以為簡單把兩種食材放碟再配醬汁便完事，Gilbert：「先切薄帶子，然後用三文魚包住，再用刨機刨成片，表層灑上三文魚子和紅菜頭增加口感，伴碟有用鮮橙汁和油醋汁製成的酸汁，能把海鮮鮮味吊出來。」一句到尾，是心機之作。
另一款鵝肝凍批同樣製法繁複，鵝肝挑筋，用拔蘭地和胡椒醃過夜，放入模內用低溫焗燉再雪凍，藉此將鵝油逼出來，再配上自製藍莓醬和多士，入口嫩滑。我最欣賞的是媲美酒店級數的龍蝦濃湯，每朝大廚都會把龍蝦頭切細，令更多面積受火，逼出蝦油和蝦膏，然後和雜菜一齊炒至乾身，最後加雞湯煮一小時，Gilbert：「龍蝦頭一定要炒得很乾身，否則會有一陣不好聞的味道。」難怪遠遠已嗅到一陣濃濃的蝦香味。
肉眼扒五成熟最好
這裏的格調裝修絕對適合情侶燭光晚餐，而鋸扒，又似乎是必吃首選。
肉味重的美國肉眼扒，脂肪比西冷較多，用炭燒方式烹調，過程中燒香了油脂，非常滋味，提議半生熟口感最好。鋸完扒吃龍蝦，波士頓龍蝦有三種煮法，是次試吃傳統法式芝士焗，用Parmesancheese和Mozzarellacheese加洋葱炒香龍蝦肉，再加拔蘭地和忌廉，最後配荷蘭汁兜均龍蝦肉，啖啖芝士香。至於烤法國鴨胸配油浸鴨髀肉燴意大利飯，鴨髀用粗鹽、黑椒和香草醃一小時，用鵝油低溫浸煮四至五小時至鬆化，拆絲後和意大利飯一起燴，最後鴨胸煎皮至脆，飯配合鴨的味道，入口時有股獨特的香味。
一餐圓滿的晚飯，當然少不免一道甜品，不妨試試雜莓千層酥餅，有三層酥餅，上為新鮮雜莓，下為自製莓醬，兩者帶酸，故中間為用芝士和蛋黃做成的甜味芝士醬，中和雜莓的酸度。
Boston1Seafood&Grill（26683161）
地址：元朗馬田路38號怡豐花園A座69及74地舖