曾志偉父親曾啟榮上月於台北病逝，昨日志偉帶領家人於香港補辦悼念會，雖然志偉希望活動以輕鬆形式進行，不過最後他與女兒曾寶儀都哭成淚人。
曾志偉昨日於尖沙嘴一酒店為父親曾啟榮舉辦悼念會，一眾圈中好友包括譚詠麟、吳君如與丈夫陳可辛、鍾景輝、張可頤和崔建邦等都一身素服出席。悼念會場內謝絕傳媒採訪，不過志偉另外安排一房間接受記者訪問。
寶儀難捨爺爺
悼念會完畢後，志偉與女兒曾寶儀、兒子曾國祥、表哥馬時亨以及老友譚詠麟一同接受記者訪問。志偉接受內地電視台訪問時，提起父親往事一度眼泛淚光，他說：「今天了解他不是由他的嘴巴了解，而是其他跟他相處過的人都說他好，他對媽媽超好，是百分百的好丈夫。」
曾寶儀對爺爺過身亦十分傷感，素顏出席的她說：「他曾經是我生命的全部。」與志偉兩父子相交多年的譚詠麟則說：「佢哋兩個都曾經係香港足球隊代表，咁英國有英超，家佢應該喺上面搞天超。」
之後志偉接受香港記者訪問時表示：「因為爸爸係笑喪，今日希望用輕鬆同溫暖氣氛，所以一開始我帶領大家分享先，希望笑聲多啲。爸爸離開香港都30幾年，佢啲朋友同屋企人講番佢生平，凝聚大家一齊，相信都係佢想見到嘅。」
出特刊寄思念
問志偉有否落淚？他說：「咁梗有啦，我同個女、亨哥都有。」志偉又說：「爸爸係好有條理嘅人，所以本特刊都好易做，亨哥同寶儀真係寫得好好，搞到我都唔知寫乜，拖拖吓就冇寫，睇番啲舊剪報就發現佢以前真係好威水。」
採訪：藍文浩
攝影：黃文成