【本報訊】多名華叔生前好友昨日到維園出席分享會，談華叔生前點滴。與華叔相識40年的教協監事會主席潘天賜憶述，教協1979年在理工學院舉辦一連兩日的國際兒童年嘉年華，但活動首日，即發現全部廁所淤塞，「華叔當時冇講嘢，即刻去廁所睇，再攞出通廁所泵通廁所，我哋其他人見到，就個個跟佢一齊做，結果一小時後，將廁所搞掂晒」，他認為正體現領導要親力親為，「要自己做得到，先可以感染到其他人同你一齊做」。
「掀起咁多香港人嘅感覺」
認識華叔廿多年的港台節目主持謝志峰表示，華叔早前留院治病時，他探訪前曾問華叔最想吃甚麼，「華叔只係話想食蓮蓉包、排骨同干炒豉椒河粉，唔係乜嘢貴嘢好嘢，從呢啲生活小節，可以睇到佢個人無乜物慾，唔係中環價值，係好平易近人」。謝志峰又指，華叔一生堅持爭取香港和祖國的民主自由，「我未見過有一個人離世後，會掀起咁多香港人嘅感覺，可能因為華叔精神感召，同埋華叔一生都熱愛香港、中國同自由民主理念，我會叫華叔做香港公民社會之父、香港魯迅」。
時事評論員劉銳紹表示，一些經常研究香港問題的內地人士對華叔十分尊重，國內亦不敢否認華叔愛國情操。劉又指，華叔離世後官方新華社亦發出80多字的報道，可以看到國內官方相當重視華叔。
六四事件後，獲華叔指點在美國推動民運的美港聯前會長吳錦祥則稱，華叔政治謀略出眾，同時是中國典型的士大夫，一生體現「無欲則剛」風範。