唔係講笑，拍攝當日如打仗，小小店內客人多到爆，電話更響不停，事關當日正是outlet開業翌日，加上撞正LunchHour，客人晏晝流流已購物慾十足，連錢都要排長龍！鬼咩！時裝品牌initial由千禧年創業至今，Fans望穿秋水，終等到它開outlet，有平貨執，仲等咩？
記者：胡卓琳
攝影：陳陶鈞
Model：LinahM.@Jamcast
Makeup&Hair：PhyllisKwok
很initial的風格
有行開街的朋友大概都會認識initial這時裝品牌，說實話，作為一個本地品牌，它確實是成功在市場上闖出獨特風格，淨係眼見街上不少老翻initial店就知佢有幾紅。品牌除致力發展男女時裝外，近年更加開了家品Lifestyle以及Cafe&Restaurant，依照官方解說就是希望所出售的產品不只走進顧客的衣櫃，還能滲透到客人的各生活層面，帶來一種「非尋常經驗」（TheUnusualExperience），他們從設計師、專業買手、空間及平面設計，以至市場部，共同創造獨特的initial風格。
踩入工廠區
人在江湖，身不由己，雖然很撐initial，但也不得不承認有時候貨品Mark價確實有點貴，就算很喜歡都要等減價才Shopping的慳家們，家陣有救了。事關initial首次開設全新outlet，選址觀塘工廠區，地點不起眼，但價錢就很養眼，店內齊集品牌精選貨品，官方話大部份貨品價錢更低至二折至三折，不過我就發現不少價錢低至一折的筍貨，事先聲明，某些貨品只此一件，不過店內會不停推出新貨，只要大家不介意貨品有少少皺，慢慢找，必定尋到好貨，提提你，繁忙時間真係好逼人o架！
三線搶攻
現在季節，眼見outlet內大部份都是男女裝秋冬貨，尤其褸款及外套款，當中包括品牌主線「initial」、簡約設計的「initialer」及PremiumLine「001Premium」，還有不少型格飾物及鞋款出售。
「initial」Sell剪裁
以舒適簡約為設計理念，布料直接由日本進口，研究素材和配搭技術於市場上獨具風格，以確保每件製成品有最好的品質和效果。
「initialer」Sell簡約
系列中的「LuxuryBasic」，設計簡單，使用輕柔的布料，方便於不同Mix&Match中帶起襯托作用。
「001Premium」Sell靚料
001Premium於07年秋冬季推出，所用的布料來自歐洲，設計着重每件衣服的款式與剪裁，成本較高，推出的數量亦相對較少。
同場加映 斯文男裝
initialoutlet（23459913）
觀塘開源道62號駱駝漆大廈1座地下B1舖
營業時間：10:30am-8:30pm