德甲球隊聖保利今周聯賽將會迎戰漢諾威，但聖軍教練史坦尼斯羅斯基（圖）就因為隊中傷兵不少，其中只有4名後衞可以肯定披甲，為咗解決後衞兵源，決定將球隊新聞官布拿都列入大軍名單，人手之緊張可見一斑。不過，呢位新聞官前身都係球員，早幾年曾經踢過球會預備組同德乙，但年屆30嘅布拿如果上陣，都算係奇聞。