內地網民上星期發起茉莉花革命，在全國13個城市散步抗議，雖然乜野激烈行動都冇做，但係已經嚇到中共四圍拉異見人士，而呢班網民早排再號召今個星期再去散步，繼續茉莉花革命。
上星期有去響應茉莉花革命嘅社民連，今日會再搞香港茉莉花革命行動，下午4點半到西環中聯辦抗議。
主席陶君行同八方講，知道有人號召今日去金紫荊撒茉莉花，但係社民連覺得冇乜作用，因此堅持去西環示威，唔踩去中聯辦，不如唔好去示威！
陶君行仲話明日會再出動到西環，打算中聯辦外行人路花槽種茉莉花，睇吓班鎮守西環，唔會拉賊，只識拉示威者嘅差人，係咪連種花都要拉！