昨日張智霖及苗僑偉在尖沙嘴與陳慧琳（Kelly）一同出席名車活動，據知袁詠儀（靚靚）一直恨追女，張智霖昨晚則自認是呷醋外父，偏心想生仔。
三哥怕做公公
張智霖謂和靚靚一樣，不會考慮人工受孕，他說：「唔會請教Kelly喇，每個人都有自己唔同嘅睇法。」張智霖聽到Kelly圓心願懷孖女，即說：「真係呢，呢個方法好慳時間，可以控制喺自己掌握之內，唔使患得患失。」
苗僑偉（三哥）原來不知Kelly大肚懷孖胎，當他聽到Kelly親證懷孖女後說：「咁犀利？」Kelly公開承認人工受孕，三哥更大嚇一跳：「吓！咁先進！我未聽過，等陣請教吓佢先。」問他是否想試，他即說：「唔係。我都可以接受（人工受孕），與時並進呀，不過我甩難，仔女都大。」苗僑偉指囡囡己經20歲，但不想女兒太早生兒育女，笑言不想升級做公公。
採訪：楊潔雯 攝影：黃文成