唔少人都有借咗錢畀人但收唔番嘅遭遇。聽身邊啲朋友講，收唔番嘅數，多數係來自相熟朋友，名副其實係唔熟唔食。咁講真，開口追嘅話，大家十幾廿年嘅友誼可能就此玩完，唔追就自己荷包受傷，真係處於一個兩難嘅局面。學黎明話齋，借錢如送禮，還錢如乞米，唔想傷感情或者自己蝕底，最好就唔好借錢畀朋友。錢銀嘅嘢，都係均真啲好，財政有問題，咪搵銀行或者財仔囉。
聽晚英聯盃決賽由阿仙奴對伯明翰，呢幾年兵工廠嘅華麗足球打得相當之好睇，拍得住「地上最強」嘅巴塞隆拿，但偏偏就一個盃仔都攞唔到，真係戥佢哋唔抵。今次決賽嘅對手再唔係車路士，亦唔係巴塞隆拿，就算冇咗法比仔同埋禾仔，我都信佢哋可以重溫捧盃美夢，兼且過埋「4冠王」頭關。
青蛙仔
心水：阿仙奴勝
近5場戰績：LWLDW
心得：兵工廠值得贏番個盃。