時尚時裳1：US$600買起VeraWang　IDo

中國人貪意頭，凡做大事之前必先擇日，無論是引經據典也可、諧音也可，總之萬事吉祥與意頭行先。說到婚嫁這項人生大事當然要擇好年好日甚至好時辰，寧可信其有嘛！坊間說2011兔年，結婚好年也，個個都話要趁機拉埋天窗，早生貴子，不過講咁耐，我們消費版暫不詳談玄學神術，以下十全十美十項扮靚花臣，新人們請盡情咀嚼，扮到至靚同時搞個潮婚禮更實際。

記者：胡卓琳
攝影：伍慶泉
Model:CrystalLee@StarzPeople、A.Lin@GMEModel
Makeup&Hair:JaniceLam&Cindy
花球:TiffannyFlowers
SpecialThanks:輝星輪（維多利亞港內遊、每小時$9,000起，海上婚禮最多可容納120人）查詢：21186120

■心形Tube婚紗$9,980（售價）、$3,998（三日兩夜租價）/a、珍珠耳環$980、雙行粉紅珍珠頸鏈$25,000及珍珠手鏈$1,800/c、法式小牡丹花球$1,380/b、純白法國喱士3米頭紗$680/d

近年興起貴貨平乘，H&M已是最好例子，乘Lanvin、乘CdG、乘乜都大排長龍，鬼咩！價錢平一截都夠吸引啦！勢估唔到呢股熱潮竟能蔓延至婚嫁衣裳，做婚紗出晒名的VeraWang與同樣以婚紗起家的David'sBridal合作推出名為「WhitebyVeraWangCollection」，價錢由美金$600-$1,400，抵到不行，仲唔快手託人買返嚟香港，齊來響應做個BudgetBrides。

■「WhitebyVeraWangCollection」US$600-$1,400

在這裏介紹名牌首飾似乎無乜意思，要買名牌，只要閣下到中環走轉即有收穫，今日反而要介紹一下這家新開的社企網上店，店內集合世界各地社企Partners，招聘一些社會上沒有工作能力及需要幫助的人作員工，以Handmade方法製作產品，當中包括首飾、禮物卡、肥皂等等。個人推介網站內的珍珠首飾，全以優質珍珠及人手製，睇過真身，其品質及手工都絕不遜色於大品牌，負責人話仲可以來款訂做㖭！

雖則唔係話但凡法式的任何東西都靚過人，之但係確實走了很多家花店都感覺不夠美，大概是因為紮花的手法及配搭襯花的方法不同吧！家陣新娘子都愛偏向外國式的花球，顏色方面偏向單色及使用較淡顏色的花配搭，走到上環，發現這家花店！花很新鮮，配襯亦不俗，推介！

穿高踭鞋都要靠天份，我自問沒有，所以揀鞋不能高過兩吋，但偏偏市面靚鞋款多是高踭，還要越高越靚，對於沒有穿高踭鞋天份的新娘子，點算？惟有訂做囉！這家訂做鞋專門店，近年開設新娘鞋訂做部，專營新娘子婚嫁鞋，依照現有鞋款做又得，來款做亦得，高度物料都可自由配搭，兩至三星期取貨，正！

■銀白色閃石蝴蝶結OpenToeShoes$1,280

雖則坊間流傳尖嘴百利商場租售婚紗黑店林立，撞啱搵到好服務的也算你走運，不過介紹的這家店就正正在百利商業中心樓上舖，賣的是新娘用的頭飾及飾物，當中最受歡迎的是各新娘子都或許會忽略的頭紗，賣點是用人手逐粒黐上閃石及珍珠的法國喱士頭紗，頭紗的圍邊喱士可以選，連款式及長度都可以訂做，要進場時有個靚頭紗？諗得過！

■兩層法國喱士4米釘石Handmade頭紗$780

■純白法國喱士3米Handmade頭紗$680

唔知由幾時開始，酒席興放回禮小禮，表示一對新人對賓客的感謝。頭痛唔知整乜好？不妨考慮新到港可度身訂做的西班牙手工糖作回禮，款式味道都可隨你喜歡任揀，嫌一粒粒未夠Sweet，仲有不同Size波板糖，食得又睇得！

■不同顏色及圖案都可訂做，做你同Honey個名都得o架！

■波板糖每支：$95/大、$55/中、$36/細

問李丞責師傅何謂結婚好年？他說：「鼠、兔、雞、馬四個生肖的年份都被稱為四桃花旺年，原因是四個生肖的動物繁殖率都很高，均屬好生養的動物，而今年兔年，兔仔象徵皎潔、溫馴，世人大多喜歡純潔的婚姻，因此都喜歡選兔年結婚及生育，而結婚當旺月份則是農曆8至10月。」有意在兔年拉埋天窗的朋友們要留意喇！