新一年嘅財政預算案日前已經公佈，但係受到唔少市民嘅強烈批評，甚至有人話要發起遊行抗議，真係民怨沸騰。一向敢言嘅黃日華，噚日都喺微博度狂呻，佢留言畀好兄弟苗僑偉話：「3哥，不如移民澳門，攞張澳門身份證呀！人哋政府年年派錢，多爽！我哋就年年送錢畀政府，多斃！」相信黃日華呢番說話代表咗唔少香港人嘅心聲。