【本報訊】仁智國際（8082）被環球資源指賤賣展覽業務Infosky一事，第4個關鍵人物、仁智前主席梁天富昨現身解畫。梁天富承認，與環球資源主席韓禮士早在20年前認識，惟已十多年沒有直接接觸，至於對方指其一直知悉環球資源有興趣收購Infosky，他回應謂環球資源的人每次與他碰面，也會向他提出雙方何時「合作」，但從無提及「收購」。
難捨員工購回業務
梁天富表示，早在13、14年前公司未上市之前在上海認識韓禮士，並向對方提供籌辦展覽的心得，之後基於是同業的關係，他有很多機會接觸環球資源的要員，「佢哋次次都係話睇下幾時有機會合作，我唔覺得係認真，我冇當一回事，呢啲只係互相欣賞的說話」。梁又指多年來不下20間公司曾表態對Infosky有意，甚至有進行過盡職審查，惟環球資源從未有過實際行動。
對於仁智主席徐秉辰指環球資源先找英高中國出面洽商然後才現身，梁天富認為，「呢個唔係一個收購的generalpractice，我對呢間公司同呢個人好失望，係展覽界裏面的非正統行為」。
至於梁天富為何要向新股東買回Infosky？當事人稱最大考慮元素是感情，「成個班底60人大部份跟咗我20年，個個40幾歲叫佢地轉行搵另一份工係一個問題，今次買返的原因，係我諗住照顧番佢地，對佢哋盡一份責任」。另外，他亦質疑環球資源對展覽行業缺乏真正認知之下提出收購Infosky，「佢根本就唔了解一個業務的精髓、靈魂所在，個關鍵係我同60個同事，同埋我哋啲關係網絡，佢地根本唔知自己買乜」。
仁智將於3月1日舉行股東會，商討以300萬元代價將Infosky出售予梁天富的交易，進行投票。
另外，仁智昨發出公告，指就出售Infosky所發出的通函所載資料，在所有重大方面均屬準確及完整，且無任何誤導及欺詐成份。