喺今屆明星賽成為史上第2位創出「大三元」嘅熱火前鋒「大帝」勒邦占士（圖），最終失落明星賽MVP，搞到全程黑面。佢周二喺主場就搵帝王嚟做出氣袋，全場轟入31分，與隊友獲迪兩人合轟54分，熱火亦主場以117:97大炒帝王，領球隊近10仗勝足9場，但係熱火仲排喺東岸第2位，落後宿敵塞爾特人，難怪占士都仲未開懷大笑啦！