巴塞向來好少主力受傷，但傷開有條路，繼正選門將域陀華迪斯因膝傷而要休息6星期後，就連西班牙國腳中場主力沙維（圖）都傷埋，因為傷咗小腿，打唔到球隊嚟緊對馬略卡嘅西甲。好彩佢嘅傷勢唔算嚴重，大約休息10日就冇事，所以應該趕得切打歐聯16強次回合主場鬥兵工廠嗰場，咁對巴塞嚟講都冇咁驚。