阿仙奴領隊雲格（圖）為免班球員舟車勞頓，所以喺季前都會近近哋揀去奧地利集訓，美國同亞洲有錢搵佢都唔去；但據報雲格終向現實低頭，喺今年7月尾應該會帶隊去日本集訓一周兼搵錢，聽講仲會幫隊波袋成1,500萬鎊。雲格嘅理念係啱，但山長水遠搞一輪，球員根本冇得着，不過搞波始終要錢，尤其強隊，冇理由同錢鬥氣啫。