【本報訊】重估差餉結果出爐，住宅差餉勁升，美孚新邨升幅達25%，反映租金有升冇跌，無力上車但又要捱貴租的夾心階層及一眾小業主將要付出更多。有地產代理表示，通脹升溫，估計今年私樓租金會升至少20%，勢加重租客負擔，屆時可能出現大批年輕租客搬回與父母同住；亦意味小業主下年度要繳交更多差餉。
「搬返去同爸媽住」
差餉物業估價署每年根據10月1日當天的物業租值，為全港約300萬個商、住物業的業主重估差餉，業主翌年4月開始要繳交相等於租值5%的差餉。如果租金上升，一眾業主便要相應多交差餉。
「原本租住港島嘅樓，可能要搬去平啲租嘅九龍；住喺九龍嘅就搬入新界；住喺新界都負擔唔起租，就搬返去同阿爸阿媽住囉」。中原地產研究部聯席董事黃良昇說，租金是跟通脹走，如今百物騰貴，租金一定不會跌。他又指，差估署今年10月重估下年度差餉時的租金，幾可肯定會較現時高，如政府不再推寬免差餉措施，小業主下年就要交更多差餉。