Benson擁有自置物業，任職室內設計，財政預算案公佈，他不是先想到有沒有退稅，而是希望政府合理分配資源，令各階層受惠；他批評政府只懂派糖息民憤，沒有針對經濟結構導致財富分配不均的問題。
住屋影響社會穩定
他認為預算案沒有前瞻性，「成日都話要幫基層自力更生、向上流動，又話與其派糖，不如教識佢哋自己釣魚，但係你又唔郁個經濟結構，畀一個月綜援你、畀完幾千蚊你，家通脹咁嚴重，交通費又貴，轉頭就蒸發咗啦」。
本身受惠於供養父母免稅額上調及免差餉安排，Benson對沒有退稅不太失望，卻擔心基層的情況，「嗰啲電費津貼、免差餉，對住板間房、籠屋水深火熱嗰啲人嚟講根本冇意思，啲錢咪又係落咗包租婆嘅袋」。
Benson認為房屋是巿民基本需要，政府必須正視，他說：「我覺得住屋唔係用嚟炒賣，係普羅大眾嘅基本需要，有啲人成世都上唔到車，對香港整體冇乜好處，會影響社會穩定。做人唔係淨係顧住自己。」
「好唔公平！直情㷫啦！」中產之聲主席李子榮說，中產人士對今年的財政預算案特別憤怒，「咁多盈餘，大家對退稅有咁大期望，政府咁對我哋好唔公平」。財爺蜻蜓點水式提高父母及子女免稅額、免差餉派電費，每年交稅約7萬元的李子榮，「計計埋埋」可節省1萬元，但他認為政府退稅及減稅更直接。本報記者