詹瑞文同愛徒「蝦頭」楊詩敏喺舞台劇合作無間，佢哋兩師徒近日喺電影《猛男滾死隊》仲扮夫妻，又拍咗場親密床戲，不過搞笑有餘，性感不足。蝦頭話呢次扮師傅老婆唔尷尬，仲好好玩，佢話：「因為我本身好鍾意演戲，尤其同師傅合作，就算要演古怪誇張情節都冇問題，只要能令觀眾開懷大笑，就達到我嘅目的。」