英倫中部球迷似乎成為全國最麻煩嘅一群，繼去年12月英聯盃8強賽，伯明翰對阿士東維拉嘅中部打吡戰出現球迷搞事後，日前英超狼隊作客西布朗又有事發生。當西布朗借將卡路士韋拿完場前建功追和，狼隊球迷就向主隊球迷區掟煙霧彈，後者亦不甘示弱，以飛凳回敬，搞到有狼隊球迷（圖）頭破血流㖭！