台灣歌手戴佩妮日前俾人喺提款機撳走30萬新台幣（約7萬多港元），警方懷疑個賊係戴佩妮嘅男性好友。件案噚日又有新發展，原來疑犯係馬來西亞籍歌手易桀齊（小圖），佢噚日喺facebook度上傳咗條片，向戴佩妮同歌迷道歉，承認一時衝動鑄成大錯。易桀齊出道多年，星途一般，不過同戴佩妮一直患難與共，估唔到會發生啲咁嘅事。