等咗好耐嘅《SDGundamGGenerationWorld》，今個星期終於到貨。今集除加入最新劇場版外，高達迷最關注嘅《00第二季》亦會首次參戰，合計會有成超過50部高達系列機體上陣，如果自認高達迷，你又試吓認得幾多隻？
記者：許福合
超過50套作品
遊戲會同時推出PSP及Wii版，但玩家一般對PSP較有興趣，話晒可以拎出街玩嘛！
高達系列遊戲當然唔少得機體晒冷，除咗承繼過往嘅機體外，仲會加入《機動戰士高達UC》、《機動戰士高達00?先驅者的醒覺》劇場版及《機動戰士高達00第二季》，收錄作品總數超過50套，收錄機體數量會再創新高。
隱藏機體有條件
以往同系列遊戲，多喜歡揀選經典舊作、經典場景作單一關卡。今次玩家可在單一地圖上，選擇挑戰場景，地圖上亦會標示該關卡內主要人物及對手，成功闖關後，會陸續出現後續場景選擇，比舊作投入感大好多。開打後，仲要留意每關都會有GenerationBreak，達成指定條件，會有「Secret出現」，咁你就有機會挑戰隱藏機體。
創造10名角色
今集另一特別處，係可以自創10名角色，由角色名字、性別、性格、聲音、外表，甚至特殊能力都可以自由調配。而隨住作戰經驗增加，能力屬性都可以升呢，不過最開心係可以透過通信模式，與朋友交換角色資料。此外，今集戰艦嘅運用亦變得好重要！新加「進出口位置」，上戰場前要留意戰艦類型是否適合戰場，指令方面又多咗擊落兵器、擋開及合作攻擊等，玩法更多變。
限定典藏包
除咗普通版，遊戲還有限定典藏包推出，包裝會以紅彗星馬沙做主題；除遊戲外，仲會收錄描述馬沙心境變化的《赤之肖像》DVD及劇本小冊子。
SDGundamGGenerationWorld
主機：PSP/Wii
開發：NAMCOBANDAI
類型：策略模擬
發售日期：2月24日
官方網站： http://www.ggene.jp/world/