港人聲援「成功靠累積」

【本報訊】本港亦有巿民聲援內地茉莉花革命，20多人昨日到中聯辦外請願，高呼「結束一黨專政」、「釋放政治犯」等口號，有人把印有茉莉花圖案的紙張摺成飛機擲進中聯辦，亦有人投擲溪錢、衣紙，被警方阻止。現場約有50名警員戒備，中聯辦職員全程攝錄示威過程。

一黨專政　問題叢生

參與今次活動的謝小姐表示，中國社會問題叢生與現時政治制度有關，「好似拆遷問題、『阿爸是李剛』呢啲特權階級嘅問題，都同一黨專政有關係」。她認為北非和中東的革命正好讓中國人反思，「係咪六四唔成功，以後都唔會成功呢？係咪六四過咗，以後都唔使出聲？中國人喺六四之後就好容易恐懼，好容易覺得唔會成功，但係唔做就一定唔會成功，呢啲嘢係靠累積返嚟」。
另一參與者陳小姐認為，內地網民發起活動承受極大風險，「港人要聲援一下，只係花少少時間，應該嚟」。她又指，埃及和巴林等地人民無懼槍炮對抗獨裁政府，令她感動，內地網絡空間不多，港人更應打破內地新聞封鎖，令內地人了解革命的消息。