昨日有不少藝人參加馬拉松賽事，包括張國強、關智斌（Kenny）、陳家樂、at17成員盧凱彤（Ellen）與林二汶及其母、超級巨聲林師傑、羅孝勇、周志文、周志康、林景程和商台DJ細蘇（蘇耀宗）等等，而多年均有參賽的劉心悠和吳浩康，分別因在內地拍劇和病倒而缺席。
Kenny與Ellen昨日在一小時內完成十公里賽事，Kenny說：「早餐都冇食，好在一小時完成，跑到九公里都好辛苦，但破唔到舊年成績。」Ellen說：「今年第四年參加，成績一年比一年好，第一年1小時20分，呢排不停練，搞到膝頭磨損，好在冇影響成績。之前同Eason（陳奕迅）做巡唱，去唔同地方跑，喺澳洲Eason同我練，點知跑跑吓佢去咗行街，幫個女買嘢。」陳家樂則因賽前飲了朱古力奶而導致絞肚痛。
阿Sa為愛練跑
此外，蔡卓妍（阿Sa）和周柏豪昨日在維園為馬拉松跑手打氣，阿Sa說：「好希望參加十公里跑，但知道自己一定唔夠氣。」會否叫男友陳偉霆（William）一起跑步練氣？阿Sa說：「佢知我身體唔好叫我做多啲運動，以前跑到一熱就想唞吓，William令自己的起恒心跑落去。」周柏豪則表示剛從美國返港，因為時差問題未能參賽感到十分可惜。
採訪：馬建華 攝影：陳慧安