周冬雨主演張藝謀的《山楂樹之戀》後火速走紅，近日有傳周冬雨會去北京電影學院（北電）參加考試，之後就有大批記者喺北電門口等候，終於喺前日下晝一點幾，見到素顏嘅周冬雨喺助手陪同下出現，佢着住黑色大褸同埋藍色牛仔褲。周冬雨一出現即被記者同影迷包圍，吸引力咁大，佢當然好識做向大家道謝，仲話會繼續努力㖭。