作為汽車發明的始祖，平治於本周末舉行了一個汽車發明125周年展覽，四部首次在港現身的汽車均由德國空運抵港，確實係千載難逢一睹珍藏的好機會。當中兩部展示未來的概念車充滿新鮮感，眾人都會貪新忘舊？咁又未必。展品焦點所在卻係兩部歷史悠久的古董車，大家快快把握最後今日的欣賞機會。
記者：許維雅
攝影：黃子偉
ConceptShootingBreak
雖然ShootingBreak只係概念車，但佢好大機會成為平治未來揭背車的量產款式，充滿Cyber感覺的旅行車外形，配上夠晒Classic的深啡木主題內櫳，新舊交融的設計，於舊年北京車展時已經一見傾心，當中更有不少時尚概念將會於即將出現的平治新車中可見。
B-ClassF-CELL
成為平治第一部量產的燃料電池車，利用B仔的車身，換上氫電混燃技術的推動系統，達至零排放的效果。透過氫氣混合空氣的化學作用產生電力作充電及推動電摩打，最遠可行走400公里，電池燃料補給只需3分鐘，絕對係平治環保系列的另一革命性型號。
500KSpecialRoadster
1934年生產的500KSpecialRoadster，係平治有史以來將性能融合尊貴典雅設計的經典之一，全球生產量只有29部，屬極之罕有的珍藏。棗紅色的古典開篷外形十分矚目，桃木襯金的錶板、電鍍邊的點綴及置於車尾的行李箱，都令既貴氣又獨特的500K成為全場焦點。
W154SilverArrow
於1938年因應賽車組織AIACR改賽規而生產的W154SilverArrow，絕對係平治於賽車場上的輝煌經典之作，佢不單止於1938年歐洲錦標賽成功奪標，更贏得二次世界大戰前的賽季冠軍。以為熱狗形的跑車只會在懷舊電影中出現，今次有機會可以親身接觸，確實係好多車迷的夢想。
各有支持者
同場加映
125周年限量版模型
除了以上四部珍藏之外，為慶祝125周年，平治特別推出了Edition125版本的S-Class及E-Class，更有四款全球限量生產1,250部的1:43紀念版模型車即場發售，各位平治迷一定唔會錯過。作為車迷，可能你會對1:10全球第一部汽車的平治三輪車模型有較大興趣，手工精細的三輪車用作紀念125周年呢個重要時刻就更加貼題啦。
展覽詳情
時間：10am-9pm
地點：尖沙嘴海運大廈展覽大堂
入場費：全免
查詢：28957339