「希望可以喺短時間內開番興記，再同街坊見面……」還記得那杯盛滿人情味的香濃奶茶、那件浸泡了40年徙置風情的招牌豬扒包？牛頭角下邨老居民搬上重建後的牛頭角上邨。不過，房署寧在空地擺放木卡位、牛角扇扮懷舊，也容不下牛下老店重置，任由濃情小商戶淪為「無舖孤魂」，被地產霸權殲滅。 記者：雷子樂
區伯補鞋、益記雜貨、發記雞蛋仔……約一年前，一間間在牛下扎根多年的街坊老店相繼落閘，有老東主光榮結業，亦有小商戶捨不得濃厚街坊情，一直四出尋尋覓覓，希望在區內找到舖位與牛下居民再續前緣。興記茶餐廳老闆恒哥正是其中一人。「咁耐以嚟，都睇過十幾個舖位，但係都搵唔啱」。
難敵地產霸權狂加租
09年11月結業後，他四出找舖，體驗到小商戶難敵地產霸權、財團白眼。曾看中了一個800呎舖位，月租逾4萬元，誰料數日後已狂升至逾5萬元，「你想租都冇得租」。嘗試到觀塘的舊屋邨探路，條件更加苛刻，「你唔係集團，冇分店，睬都唔睬你」。領匯商場？恒哥不作考慮，「佢哋太多負面新聞啦，逼你走、加你租，要你搬位……」。
採訪當日，恒哥來到牛頭角上邨，新邨只有六個舖位，唯一的食肆是美心快餐，餘下的是連鎖超市、便利店及醫務所。「連鎖式食肆，收銀，樓面係會好禮貌同你笑，講多謝，但你知道呢啲全部係公司指引囉，邊及茶餐廳收銀係太子爺，夥計用『助語詞』同你吹水咁真摯？」
歐美髮廊住宅內經營
簇新的重建邨，大廈樓下有個「文化廊」，擺放了十多個木卡位，牆身安裝了牛角扇，掛上了「牛頭角茶餐廳」大招牌，令恒哥哭笑不得。「有街坊問我，乜你唔係喺度開番咩？」坐在木卡位，看着牆上的興記舊照，他說：「感覺有啲親切，又矛盾」，眼前分明是舊舖的裝潢，但放在這裏，全部變成了佈景擺設。
「冇客人、冇夥計，係好冷冰囉」。恒哥在想，房署重建舊邨時，為何不考慮老店安置？不讓舊舖優先投標？02年已踏足牛下作紀實拍攝的資深攝影師吳文正表示，還有其他牛下小商戶，像恒哥這樣誓要為老街坊守業，例如歐美髮廊失去了屋邨舖位後，東主付不起高昂租金，退守自己的住宅內，替熟客理髮。紙紮舖、售賣被鋪的百貨店，也在艱苦經營。