屯門昨於主場屯門鄧肇堅運動場迎戰南華，開賽前已率先合力「扯起」代表滿座的紅旗。主隊球迷雖全場噓爆「少林兵」，惜球隊終被南華後備上陣的李威廉完場前頭槌建功，以0:1落敗。至於流浪則藉初次在甲組上陣的門將曾文輝建功，以3:2擊敗飛馬。
地區球隊屯門與本地班霸南華，昨日於可容納2,200人的屯門鄧肇堅運動場作季內第3次交鋒，結果兩軍繼上次聯賽盃8強戰迫爆青衣運動場後，再次扯起紅旗，今仗所有門票更於開賽前夕經已全部售罄。縱使昨日天雨下過不停，仍無阻2,059名球迷入場觀戰的熱情，氣氛熱鬧。
李威廉82分鐘頭槌奠勝
屯門今仗雖有隊長美亞及黃志聰停賽，但由梁國威及謝思利達統領的防線未有走樣，半場成功以0:0守和有前南斯拉夫國腳基士文領軍的南華。易邊後，戰事開始傳出濃厚的火藥味，南華球員多次侵犯屯門球員，引來主隊球迷甚為不滿，而客軍前鋒陳肇麒繼上次對壘後，再度成為主隊球迷的眾矢之的，不時大喊︰「陳肇麒，收皮！」
然而，南華憑後備上陣的李威廉於完場前8分鐘，接應基士文左路傳中，頭槌建功，鎖定1:0勝局，全取3分後，以2分之差反壓少踢一場的傑志重登榜首。南華足主羅傑承賽後除滿意戰果外，亦再次大讚基士文︰「其實今場比賽有好多入波機會，只是多次門前失機，但最開心是見到基士文一場比一場好。」羅生又透露初步選定了出戰下月亞協盃的3個外援名單︰「有考慮過用史高斯，但因他腳傷未癒，要3月中方能復操，所以如無意外會用基士文、畢特及祖爾，周一早上便會落實。」
流浪門將曾文輝直接入波
至於天水圍飛馬昨晚於主場元朗大球場迎戰四海流浪，客軍憑季內首次於港甲正選披甲的19歲門將曾文輝，於67分鐘開出「生波」直接「笠死」失位的飛馬門將何國泉，其後再照辦煮碗助攻馬高遜建功，流浪以3:2反勝有伊達先開紀錄的飛馬。今午3時將領遵理學校對民生書院出戰學界精英足球賽的曾文輝，賽後笑言首次披甲便取得入球的感覺恍如發夢。本報訊
《花絮》
屯門會徽紅旗搶鏡
噚日南華對屯門賽事又扯紅旗，不過支旗同青衣運動場嗰支好唔同，除咗有屯門會徽，仲印埋「滿座」（圖）。屯門教練盧光中話自從旺角大球場重建之後，支紅旗就唔知擺咗去邊，所以一早叫佢哋自己整一支，終於大派用場。原來係咁，睇嚟其他球會都應該整番支。
自由黨識抽水
呢面黃底啡字、印住「屯門人！！撑屯門足球隊！！」嘅打氣旗（圖）都幾搶眼，意識都唔錯，不過睇真啲，原來係自由黨新界西支部整嘅。多啲唔同團體關心體育固然係好，不過有政治勢力入侵足球場，好似唔多好。有時間不如關注多啲民生，好過喺足球場抽水。
冇飛球迷執到死雞
噚日球場外聽到最多人講嘅係「有冇飛呀？」雖然足總前日已公佈門票全部售罄，約60名球迷冒着嚴寒冷雨喺球場外排隊「撲飛」，希望買到由球會放出來嘅剩餘門票，球賽3點先開波，排頭位嘅球迷（右一）早喺1點45分就到，人龍之後更有增無減，最終佢亦如願以償。
