范冰冰同陳柏霖噚日喺內地出席電影《觀音山》嘅電影主題曲《辭》MV記招，同場仲有創作歌曲嘅范曉萱（小萱）。有大美人之稱嘅冰冰一直冇談論過另一半，有記者笑問冰冰會唔會鍾意小萱？冰冰聽到即刻笑到踎低，小萱仲講笑話冰冰係佢女朋友。冰冰話拍呢個MV好辛苦，因為要喺水裏面唱歌，嗰刻真係以為自己自殺同儍咗，拍完後心口都好痛。