台灣歌手戴佩妮前日自爆俾賊人透過提款機偷咗30萬新台幣（約7萬多港元），佢即時報警，仲呼籲大家幫佢捉賊。噚日件案有新發展，警方話疑犯係佩妮嘅一個男性好友，佢已經向佩妮認錯同還錢，佩妮仲陪個朋友去警署自首，警方話疑犯依然可能被控。佩妮透過經理人話：「她很難過，但選擇原諒。」佩妮又堅稱疑犯唔係佢男友。