林峯前晚在馬來西亞Sunway舉行戶外演唱會，全場爆滿，為配合室外演出，林峯在今次演出稍作改變，歌衫是全新，雖然沒有落雨，但他又唱又跳早已汗流浹背成為水人，他在台上笑說：「家好似冲緊凉。」台下不少fans大叫「靚仔」和「我愛你」，林峯即冧fans說：「我都愛你哋。」
當晚有幸運fans被揀上台和林峯演出，他又攬又挨，令fans冧到暈陀陀，林峯又走落台跟fans握手，第二次更是即興從兩米高的台跳下來，認真驚險。
「因為氣氛好」
慶功宴上問林峯從高台跳下來握手，是否覺得危險？他說：「其實嗰一刻真係冇諗咁多，只係想同佢哋握手，因為氣氛好，希望下次可以有機會喺室外搞多次。」
撰文：夏琴