港股上禮拜五以大成交突破23500阻力位，下個目標係24000至24200。
人行又調升存款準備金率，會唔會影響港股嘅升勢？應該唔會。由19%調升至19.5%，百分比嘅變化，已比去年初由低位上調時溫和好多。
至於恒生銀行（011）棄用H按，只屬個別事件，唔會成氣候，地產市道同地產股唔會受壓，反而元朗朗屏「限呎地」獲8份標書，有機會令地產股炒番轉。
東風C輪28039：東風集團（489）上日報收14.78元，升1.9%。股價上禮拜初已突破20日線，造旗之後，呢兩日破旗而上，睇成交同走勢，好大機會破15.20元，推向17元，短炒可以諗吓隻C輪28039。
隻輪現價27仙，2011年11月7日到期，行使價15元，溢價19.8%，引伸波幅56.8%，槓桿率5.5倍（有效3.2倍），正股見17元，28039應該會上到41仙，升幅超過5成，短炒算唔錯，正股跌穿13.70元就沽咗隻輪。
俊樺