Keyman賴馬拉松搶客

Keyman賴馬拉松搶客

一年一度的渣打馬拉松昨晨舉行,近來成為派錢財神的馬啟仁(Keyman)亦有參加,他已是第四次參賽,昨晨他參加半馬拉松賽事,結果以約1小時56分鐘完成,事後他接受電話訪問:「成績都同往年差唔多,因為忙所以都冇乜時間準備。」Keyman表示初段由於太出力,結果尾段幾乎未能完成賽程。提到前晚Keyman有份主持的now101台遊戲節目《撳錢》參加人數稍跌,他表示:「通常星期六都係咁,因為多節目,可能同跑馬拉松都有關,啲人早咗瞓。」前晚參加觀眾有53,458,比前一晚60,866少了近7,500人。

黃婉曼獲粉絲送遙控器咕作禮物,立即回贈飛吻。

昨日黃婉曼和駱振偉到銅鑼灣與市民玩人肉版《撳錢》。

試玩人肉撳錢

另外,《撳錢》主持黃婉曼和駱振偉昨日到銅鑼灣宣傳,即場找途人玩遊戲,不過不是㩒遙控而是人肉舉牌揀答案,答中四條問題有禮物送,其中一位勝出者將禮物轉贈給黃婉曼,她即開心回贈飛吻。前晚《撳錢》參加人數下降,她說:「可能因為周末啲人出街玩。」昨晚是最後一天免費玩《撳錢》,會否擔心人數再下跌?黃婉曼說:「唔怕,聽講多咗好多人裝,晚晚10萬喎,你都身痕啦。」
採訪、攝影:胡比