鄭裕玲（嘟嘟）、模特兒Jocelyn夫婦和陳姿允昨日在中環出席時裝騷，近日忙於拍攝《更上一層樓》的嘟嘟表示該品牌多年一直支持她，無論私人活動或出騷，只要一個電話，品牌便會為她準備靚衫，她笑言荷包慳回不少。
至八會厭運動
嘟嘟曾參與馬拉松賽事，今年她因左膝磨損而放棄比賽，她說：「近年開始感覺到左膝痛，經醫生診治後證實係磨損，日後可以繼續做帶氧運動，但唔能夠跑步，因為會加速磨損。」嘟嘟寄語參賽者要堅持跑畢全程，她說：「其實我跑咗兩屆，但大家好似覺得我跑十屆咁，每逢有馬拉松都問我跑唔跑。」
嘟嘟曾希望跟至八會好友跑步和做瑜伽，可惜當大家得知做運動便耍手擰頭，日常活動全是動手畫畫或動口飲食傾偈。
採訪：馬建華
攝影：黃文成