曼聯喺鬥卡維尼之前，同陣中嘅29歲法國左後衞艾拉（圖）續約3年半，將佢綁到2014年夏天，雙方於日前簽約落實；而聽講艾拉喺續約之後，周薪由7萬鎊大幅加至9萬鎊。所謂受人錢財替人消災，艾拉喺續約加薪後，如果今晚有機會落場對卡維尼，希望佢更搏命比賽，證明佢自己係值周薪9萬鎊呢個價。另外，紅魔亦落實同傑斯續約１年。