曾與賭王三房兩女超雲和超蓮傳緋聞的周柏豪，昨日與鍾舒漫在商台出席《叱咤樂迷HiddenTrack光明日》音樂活動，柏豪透露剛從美國回港，他說：「去咗5日拍廣告，仲有其他地方代言人一齊拍，有個日本妹得16歲，我大佢成10年，即刻覺得自己似uncle。」
彈網友不負責任
談到早前張致恆（Steven）在何超雲的微博留言慰問，二人即傳緋聞，但Steven因此被網友指他不自量，對此柏豪坦言：「好替Steven唔抵，交朋友使唔使要自量呀！我都係網民，知道網上講嘢唔使負責任，但見到都會難受，可能佢只係一時間經過，見到就留低幾隻字，俾人咁講對佢好唔公道。」他還大讚Steven的EQ高很理智。至於Steven表示嚇得不敢追超雲，柏豪謂：「係我都會驚啦，我都唔想俾人話不自量。」柏豪又謂有時在微博看到一些令人難受的言論，會當作看不到就算。
採訪、攝影：胡比